(Halaw kay "J")

Sabi ng nais manatili sa poder si Gloria Arroyo
Mag-protesta sa Edsa, pagod na raw ang tao.

Ang totoo’y lansangan na lamang ang takbuhan
Taumbayan wala ng bilib sa sistema at pamahalaan;
Dahil sa katiwalian, kurakotan, pandayara sa eleksyon
Pagkatuta sa US at paglabag sa mga karapatan.


Wala daw makapapalit kay Arroyo bilang pinuno
Dahil sa ekonomiya at pamamahala siya ay eksperto.

Sa pangungurakot at pandaraya siya ang numero uno
Batas na kotra mamamayan siya ang nagpasimuno
Sa dayuhan ay ipinaubaya likas na yaman ng bansa
Inilubog sa utang ang masa at binaboy ang ekonomiya.


Kapag siya’y bumaba, papalit ang isang military junta
Ito ba ang gusto nyo? Tanong ng kanyang mga tuta.

Nasusuka na sa pamamahala ang makabayang militar
Dahil sa pangungurakot ng mga Heneral at Opisyal,
Ginagamit pa ni Gloria para supilin ang mamamayan
Kayat sila’y lalahok sa lumalakas na tinig ng taumbayan.


Dahil sa “destabilizer” gumegewang ang ekonomiya
Hindi makapamahala dahil sa ibat-ibang banta sa bansa.

Krisis na sanhi ng bulok na sistema ng pamamahala
Isinisisi sa taumbayan na mismong biktima ng kahirapan,
Imperialismo, burukrata kapitalismo, at pyudalismo
Pilit na pinagtatakpan bilang ugat ng kahirapan.


Rally ng anti-Arroyo, di kayang patalsikin sa pwesyo
Mahal daw ng Mamamayan ang Pangulong ibinoto.

One million vote margin pangako ni Garcillano
Nakolekta na si Mike, Mikey at Iggy ang jueteng money
Kurakot sa GSIS, PCSO, Macapagal Blvd at PIATCO;
Taumbayan ang magpapasya sa pagbagsak si Arroyo,

Obispo ng Romano Katoliko, suportado raw si Arroyo
Hindi daw nanawagan na manaog na siya sa pwesto.

Pinalalabo ang katotohanan sa paninindigan ng simbahan
Ng mga “spin doctor” ni Gloria at ng bulok na pamahalaan,
Obispo ay tumalima sa panawagan ng malawak ng bayan
Resign Arroyo, imbestigahan, at ng hustisya ay makamtan.


Gubyerno niya ay suportado raw ni Hen. Fidel Ramos
Katulong si Jose de Venecia at ang Kongreso niya.

Ang dalawang ito ay numero-unong opurtunista,
Ngayon si Tabako, naghahari-harian na sa Malacanang
May I dance cha-cha with you may dear lady protégé,
Pagkatapos kong maging Prime Minister, goodbye Glory!


Ayaw na raw ng mass actions nitong oposisyon
Impeachment na lang ang prosesong nais daanan.

Gusto nilang mag-moro-moro kahit hindi byernes santo
Kanilang kaharian at palaruan, itong loob ng kongreso,
Subalit makabayang politiko nasa kalye kasama ng masa
At nagsasabing protesta di impeachment ang mapagpasya.


Lulusob daw ang maka-kaliwang rebeldeng grupo
Upang sumali sa mga rally sa maynila at manggulo,
Kumikilos na daw upang magpatalsik ng Pangulo.

Laban ng lahat ng aping mamamayan ang labang ito
Sa proseso, lalakas ang kilusang pambansa demokratiko
At sa hinaharap ang naghaharing sistema ang yuyuko!

[Ron is a filmmaker and is connected with independent film outfit Kodao.]